Canon正式公布全新人像鏡頭及三支移軸鏡
Canon正式公布全新85mm f/1.4 L IS USM、TS-E 50mm f/2.8L Macro、TS-E 90mm f/2.8L Macro及TS-E 135mm f/4L Macro ，不但為85mm呢個人像焦距增添多一個選擇，更同時更新三支移軸鏡頭，等專業用家有更高質素嘅選擇。
85mm f/1.4 L IS USM不但擁有達f/1.4起大光圈，更加內置IS防手震系統，用家喺極低光情況下都可以手持拍攝。鏡片結構方面採用咗高折射率新玻璃物料，配合GMo非球面鏡及ASC空氣球體塗層，大大提升影像質素。而此鏡定價為1,599美金，即約萬三港紙（未有實際香港定價），咁大家會揀呢支定寧願買返f/1.2嗰支呢？
三支移軸鏡同時擁有1:2放大率嘅微距功能，並且擁有達67.2mm直徑咁大嘅成像圈，不論用家要Tite定Shift，定係拍攝較細小嘅產品，都可以輕鬆調校到最合意嘅拍攝角度。度的傾斜及平移範圍,令攝影師於構圖及拍攝時更有彈性。光學方面三支鏡頭都加入超低色散UD鏡片並採用Canon獨有嘅SWC次波長結構鍍膜或ASC空氣球體塗鍍，影像質素絕對係Canon最高嘅一個級別。價錢方面三支同樣都未有公布。
Search